نعيمة الصغير من مطربة الي أدوار الشر فى السينما

 

 طبعا كلنا نعرف نعيمة الصغير واللي ميعرفهاش هيا كانت الكتعة في فيلم (العفاريت) وكانت الحما المفترية فى فيلم (الشقة من حق الزوجة).

أهى نعيمة دى كانت مطربة طبعا مستغربين ازاى وهيا صوتها تخين ومحشرج كده بس هيا دى الحقيقة اشتغلت فى بداية حياتها مطربة وغنت أغنية في فيلم (اليتيمتين) كان اسمها (طل عليا) والفيلم ده كان بطولة فاتن حمامة وماجدة, وفى الفترة دى اتعرفت على محمد الصغير واتجوزته وبقي اسمها نعيمة الصغير.

نعيمة كانت جميلة وصوتها حلو ودا كان السبب ان زميلتها اللى كانت معاها فى نفس الفرقة تغير منها وتحطلها السم فى الشاى.

بعد ما شربت نعيمة الشاى تعبت جدا وراحو بيها المستشفى وهناك قدروا ينقذوا حياتها بمعجزة من ربنا لكن للأسف السم كان أثر على أحبالها الصوتية وبقي خشن زى ما سمعناه فى كل أعمالها.