هو هرمون ينتقل عن طريق الجهاز العصبي ومسئول عن الشعور باللذة وله وظائف اخري تتعلق بالمكافأة والحركة ولكن الوظيفة الأساسية هي الشعور باللذة والمتعة وإعطاء الحيوية.
ما هو صوم الدوبامين؟
قبل مانبدأ في معرفه المقصود بصوم الدوبامين هنتكلم عن قصة رجل أمريكي مصاب بالسمنة نتيجه حبه الشديد للوجبات السريعة والاكل المقلي الغير صحي ولكنه وصل لمرحلة صعبة وراح للطبيب وكان لابد من إجراء تدخل جراحي لأنه كان فيه خطر علي حياته بس الطبيب طلب منه انه يجرب حاجه قبل إجراء العملية علي امل تجيب نتيجه قبل التدخل الجراحي وهيا انه يفضل لمدة أسبوع ياكل بطاطس مسلوقه بس وبدون ملح طبعا ده خلي وزنه يقل بشكل ملحوظ ولكن الغريب انه بعد ما كان مش حاسس بطعم الاكل من غير ملح أصبح حاسس بطعم مختلف لكل شئ بدون إضافات.
صوم الدوبامين او التحكم في المثيرات هو عبارة عن الامتناع عن الأفعال الملهية غير المفيدة التي تجعل المخ يفرز الدوبامين بكثرة.
والامتناع ده هيخلي الجسم يرجع لحالة التوازن ويزيد الشعور بالرغبة في الأفعال المفيدة التي تفرز الدوبامين بكميات اقل وده اللي حصل في القصة اللي بدأنا بيها للراجل اللي امتنع عن أكل الوجبات السريعة الغير صحية المليئه بالبهارات والاضافات لحد ما المخ أعاد التوازن وبدأ يحس بطعم الوجبات الصحية.
وهنا السؤال طيب ازاي نطبق صوم الدوبامين؟
عن طريق ان احنا نحدد يوم واحد في الأسبوع نمتنع فيه عن أي نشاط غير مفيد زي الوقت الكتير اللي بيضيع في التصفح واللعب علي الموبايل او تناول الوجبات الغير صحية و الحلويات وطبعا العادات السيئه زي السجاير والمخدرات لا قدر الله اللي لازم نتوقف عنها فورا ونحاول نشغل نفسنا بحاجات مفيدة زي الرياضة والشغل والقراءة وتناول الوجبات الصحية.
0 تعليقات